Deputeti demokrat Agron Shehaj shkruan në një status në rrjetin social “Facebook” se kryeministri Edi Rama dhe ish-ministri i Infrastrukturës dhe Energjisë Damian Gjiknuri kanë vendosur në mënyrë të fshehtë që TEC e Vlorës t'i jepet një privati për 20 vjet, duke anashkaluar kështu kompanitë e huaja.
"Në orët e fundit të vitit 2018, edhe pse i larguar nga ministër, Damian Gjiknuri ka firmosur hapjen e procedurave për dhënien me koncesion të TEC-it të Vlorës. Me zero transparence, Rama dhe Gjiknuri kanë vendosur që TEC-in e Vlorës, i cili ka kushtuar deri tani mbi 120 milionë euro me paratë e shqiptarëve, për t’u ndërtuar e mirëmbajtur, t’ja japin në pronësi për 20 vjet një privati", shkruan Shehaj.
Ai shprehet më tej se detajet e këtij koncesioni do të mësohen ditët e ardhshme. "Është një histori që përsëritet: pasuritë e vendit, pronat publike dhe paratë publike u jepen klientëve të lidhur me qeverinë, gjoja me “koncesion”, duke rritur me disa fish koston e investimit. Në 15 janar do marrim vesh se cili nga klientët e Edi Ramës do ta marrë këtë dhuratë dhe do të ndajë paratë me 'bamirësinë' ", shkruan në fund Shehaj.
Komente
Mire bejne qe ja japin koncesionarit se ai lubi nuk mund te mbahet me me leket e taksapagusve.Ai TEC eshte nje grope gjigante qe deri tani ka shkuar mbi 270 miljon EURO.
Përgjigju