Një telefonatë që ka mbërritur në komisariatin numër 5 në Kamëz nga një qytetar, i cili thoshte se ka vërejtur se një vajzë është futur nga një i ri me dhunë në makinë, rezultoi të jetë një alarm fals, pas verifikimeve të bëra nga ana e policisë.
Burime nga Policia fillimisht bënë me dije për gazetarin e Report Tv Sokol Dema se u shpërndanë disa patrulla për kontrolle, si dhe u kontrolluan kamerat për të verifikuar ngjarjen.
Pas verifikimeve të bëra nga policia, ka rezultuar se ky ka qenë një alarm fals dhe se nuk kemi të bëjmë me një pengmarrje apo me një situatë të tillë.
"Ne orën 14:20 ka ardhur një telefonatë në sallën operative se në Babrru një makinë ka marrë një vajzë. Nga verifikimet e deritanishme nuk ka rezultuar e vertetë, as ne polici nuk a ndodnjë denoncim nga familjarët. Pas verifikimeve rezulton se nuk kemi të bëjmë me pengmarrje", thotë policia.
