TIRANË - Shtyhet seanca paraprake për Plarent Ndrecën lidhur me tenderin e rikonstruksionit të 4 komisariateve, gjatë kohës kur punonte si sekretar në Ministrinë e Brendshme, raporton gazetarja Keti Banushi.
Shkak u bë mungesa e 2 avokatëve. Seanca e radhës u la për në datën 26 dhjetor ora 13:00. Deputeti socialist Plarent Ndreca nuk ishte i pranishëm në seancë por u përfaqësua nga avokati.
Ndreca u mor i pandehur më 25 Tetor, ndërsa dosja u dorëzua në GJKKO më 25 nëntor 2024.
Procedimi është i vitit 2021, me objektin “Konkurs Projektimi”, i zhvilluar në dy faza dhe “negocim pa shpallje paraprake të njoftimit të kontratës”, në vitin 2019.
Deputeti së bashku me disa ish-zyrtarë akuzohen se ndryshuan fondin, pasi nuk e kishin në dispozicion, ku nga 4 Komisariate kaluan vetëm dy, duke favorizuar në fitimin e tenderit kompaninë fituese dhe biznesmenin Gjon Radovani.
Komente
