SPANJË - Kishte shansin për të ngritur trofeun në fund, por Jannik Sinner është tërhequr nga "Madrid Open" pasi nuk mundi të marrë pjesë në çerekfinale pas një problemi në kofshën e djathtë.
Lajmi u konfirmua nga organizatorët e turneut. "Jannik Sinner do të tërhiqet nga 'Madrid Open' për shkak të një dëmtimi në kofshën e djathtë. Të enjten ai nuk do të dalë në fushë në ndeshjen çerekfinale kundër Felix Auger-Aliassime, shërohu shpejt, Jannik!”, lexohet në njoftim.
Më pas erdhën edhe fjalët e italianit: “Është e trishtueshme, por është më mirë të mos e përkeqësojmë situatën", tha tenisti 22-vjeçar që pak ditë më parë siguroi edhe vendin e dytë në renditjen botërore.
Problemet për Jannik u shfaqën pas ndeshjes së 1/16 të fituar ndaj Kotov. Italiani kishte vendosur të 'shtrëngonte dhëmbët' dhe të shkonte në fushë për në fazën e radhës, duke arritur të eliminonte Khachanov në tre sete pavarësisht dhimbjeve.
Tani vendimi për tërheqje vjen edhe sepse në horizont janë garat ndërkombëtare në Romë dhe mbi të gjitha ngjarjet kryesore të sezonit si Roland Garros dhe Olimpiada e Parisit.
Very sad to have to withdraw from my next match here in Madrid. My hip has been bothering me this week and has slowly been getting more painful. Taking the advice from the doctors we decided it’s best to not play further and make it worse. pic.twitter.com/QJX9WVA4Np
— Jannik Sinner (@janniksin) May 1, 2024
