TORINO, Itali - Në Torino, një finale pa histori me numrin 1 të botës që dominon dhe bëhet italiani i parë që fiton turneun Masters.
Jannik Sinner shkruan një tjetër faqe historike të tenisit italian, duke fituar për herë të parë finalet e ATP-së. Ashtu si në fazën e grupeve, numri 1 i botës mundi Taylor Fritz, me një dopietë 6-4 në 1 orë e 24 minuta lojë.
Një ndeshje pa histori e zhvilluar në 'Inalpi Arena' të Torinos, ku publiku e tërhoqi drejt suksesit 23-vjeçarin nga Tiroli i Jugut. Jannik Sinner është Master of Masters, duke fituar titullin e tij të tetë (2 Slams, tre Masters dhe 2 ATP, si edhe triumfe të tjera) të një viti të paharrueshëm 2024 në fund të një turneu të dominuar dhe fituar pa humbur kurrë një set loje.
Numri 1 i botës bëri diferencën në shërbim, duke vendosur 14 ase dhe duke fituar 83% e pikëve me goditjen e parë. Më pas, qëndrueshmëria e zakonshme në fushë dhe një mendje e kthjellët bënë pjesën tjetër me një Fritz që bëri atë që mundi kundër një lojtari që është vërtet i fortë.
Një vit rekordesh ky 2024 për Sinner, që falë edhe këtij suksesi, konfirmohet si tenisti nr.1 në botë, duke regjistruar 8 tituj të fituar, 2 tituj slam Australian Open dhe US Open, duke u bërë italiani i parë që arrin të fitojë dy tituj të mëdhenj brenda 1 viti, si dhe 6 tituj ATP.
Për 23-vjeçarin nga Tiroli i Jugut vjen një çek prej 4.6 milionë eurosh pas këtij suksesi. Tani gjithçka që mungon është qershia mbi tortë; një sukses në Kupën Davis pas triumfit të 2023.
Komente
