TIRANË- Kryeministri Edi Rama ka reaguar pas tensioneve në veri të Kosovës. Përmes një postimi në rrjetet sociale, Rama thotë se i bashkohet shqetësimit të partnerëve ndërkombëtarë pas situatës së krijuar në Mitrovicë të Veriut, ku ka pasur përplasje të dhunshme mes policisë dhe protestuesve serbë gjatë momentin kur katër kryetarët e zgjedhur të komunave janë futur në zyra nën praninë e forcave speciale.
Kreu i qeverisë u kërkon dy palëve që të mos ndjekin këtë shteg të rrezikshëm, por të ulen tensionet dhe të vijojnë rrugën e dialogut. Ai shkruan se këto tensione nuk ndihmojnë në normalizimin e marrëdhënieve dhe as në njohje të ndërsjellë mes Kosovës dhe Serbisë.
A e ndihmon kjo që po ndodh në Kosovë procesin ku janë angazhuar të tërë miqtë e mëdhenj të Kosovës e të shqiptarëve, për normalizim dhe njohje të ndërsjellë mes Kosovës dhe Serbisë?! Me siguri jo përderisa vetë miqtë tanë më të mëdhenj shprehen thellësisht të shqetësuar!
Unë bashkohem me ta në apelin për të mos ecur më tej në këtë shteg jo vetëm të rrezikshëm, po edhe krejt të panevojshëm sot, kur bota demokratike e ka vendosur në qendër të vëmendjes dialogun, normalizimin, njohjen e ndërsjellë mes Kosovës dhe Serbisë", shkruan Rama.
Të premten kryetarët e rinj të komunave në Leposaviç, Zubin-Potok dhe Zveçan tentuan të hynin në objektet komunale, një ditë pas betimit, por u përballën me qytetarë serbë që bllokuan hyrjet e objekteve komunale. Policia ka ndërhyrë për t’i shpërndarë protestuesit, ndërsa të paktën dy kryetarë mësohet të kenë hyrë në objektet komunale.
Kryetarja e Kuvendit, Lindita Nikolla, reagon ndaj tensionimit të situatës në Veri të Kosovës
“Tensionimi i situatës në Veri të Kosovës nuk i shërben avancimit të procesit të normalizimit të marrëdhënieve mes dy vendeve. Kosova dhe Serbia, me mbështetjen e miqve e partnerëve tanë strategjikë, ShBA dhe BE, kanë hyrë në dialog për normalizimin e marrëdhënieve dhe duhet të vazhdojnë këtë dialog. Kjo është e vetmja rrugë drejt njohjes së ndërsjellët, zhvillimit, demokracisë, paqes e bashkëpunimit në rajon.”, shkruan kryeparlamentarja Nikolla.
Komente
Por ama kjo qeveri nuk do te mbesin me te ndyre se ju patronazhistet e Rames qe lepiheni pa pushim.
PërgjigjuLeri te ecin me koken e tyre se si Sali non grata do te perfundojne. Qeveria Kurti perfshi dhe pleren Osmani do te mbeten ne histori si me te ndyrat.
PërgjigjuShpreojme qe situata midis vendeve te qetesohet
PërgjigjuKe folur shume mire zoti kryeminseter,shpresoj qe situata midis vendeve te qetesohet
Përgjigju