Donald Trump ka zhvilluar një bisedë telefonike me kryeministrin e ri kanadez, Mark Carney, të cilën presidenti amerikan e cilësoi si produktive. Udhëheqësi amerikan njoftoi gjithashtu se ata do të mbajnë edhe një takim pas zgjedhjeve në Kanada, të cilat janë planifikuar për muajin e ardhshëm, mes tensioneve të shtuara mes aleatëve fqinjë.
“Ishte një thirrje jashtëzakonisht produktive, ne jemi dakord për shumë gjëra dhe do të takohemi menjëherë pas zgjedhjeve të ardhshme të Kanadasë për të punuar mbi elementët e politikës, biznesit dhe të gjithë faktorëve të tjerë”, shkroi Trump në platformën e tij të mediave sociale Truth Social.
Biseda telefonike vjen një ditë pasi udhëheqësi i ri kanadez u zotua të transformojë ekonominë e Kanadasë, duke e bërë më pak të varur nga SHBA, dhe përpara njoftimit të tarifave doganore të Trump më 2 Prill.
Shtetet e Bashkuara dhe fqinji verior kanë qenë prej kohësh aleatë të ngushtë dhe partnerë tregtarë. Por marrëdhëniet janë përkeqësuar pasi Trump, i cili mori detyrën në janar, përkeqësoi marrëdhëniet me kërcënimet tarifore dhe komentet e përsëritura për ta bërë atë shtetin e 51-të të SHBA-së.
Carney, i cili mori detyrën në mes të marsit, bëri thirrje për zgjedhje të parakohshme më 28 Prill.
Komente
