Një 54-vjeçar, pronar i një autobusi, u arrestua nga policia në pikën kufitare të Morinës, pasi në automjetin e tij u gjetën 15 kuti me medikamente të ndryshme me vlerë 15 mijë euro, që nuk i kishte deklaruar.
Në pranga ka rënë M. H. 54 vjeç, banues në Kosovë.
54-vjeçari u ndalua nga Policia Kufitare Morinë, ku gjatë kontrollit të kryer në autobusin e tij policia i gjeti dhe i sekuestroi 15 kuti me medikamente të ndryshme, me vlerë 15 000 euro.
I arrestuari me banim në Kosovë është pronar i autobusit të linjës Prishtinë -Tiranë. Ai do të hetohet nga prokuroria e Kukësit për kontrabandë të mallrave për të cilat paguhet akcizë.
Komento
