Një i ri ka shpëtuar për mrekulli mbrëmjen e sotme në Krujë. Fatjon Leka ishte duke udhëtuar me makinën e tij tip 'Golf 4' në momentin që tentoi të kalonte mbi urën e lumit Tërkuzë në Borizanë të mbuluar nga uji, por pa mundur, pasi e mori rrjedha për rreth 600 metra.
Për fatin e tij të mirë, makina është bllokuar nga një trung peme, duke i dhënë mundësi Lekës që të arrinte të dilte duke shpëtuar. Shoferi ndodhet në gjendje të mirë, ndërsa po punohet për nxjerrjen e makinës nga lumi.
Saktësisht ngjarja ka ndodhur te vendi i quajtur Ura e Tubit, vendi ku në prill të vitit të kaluar u vra Admir Murataj pas grabitjes në Rinas.
Komento
