32-vjeçari Arben Mema, banues në Kombinat, i cili terrorizoi banorët duke tentuar t'i shtypë në sheshin "Skëndërbej" ditën e zgjedhjeve, del sot para gykatës për masën e sigurisë. Arben Mema akuzohet për tentativë vrasje, prodhim dhe shitje lëndësh narkotike si dhe për shkatërrim prone.
Gazetari i Report Tv, Arsen Rusta ka siguruar dëshminë e shokut të Arben Memës, i cili ka qenë ai që i ka dhënë automjetin 32-vjeçarit. Sali Xhepa shprehet në dëshmi se makinë mori me qira dhe ia dha për një xhiro, por Mema bëri aksident. Pas aksidentit Xhapa ka dëshmuar se është larguar nga makina dhe se më pas pa ngjarjen e rëndë në televizor.
"Mora makinën me qira dhe ia lash Arbenit për një xhiro. Gjatë ecjes ai humbi kontrollin dhe bëri aksident. Unë zbrita nga makina pas aksidentit por Arbeni jo dhe vazhdoi të lëvizte me makinë e goditur. Unë ika për në shtëpi pas ngjarjes, ndërsa më vonë në Tv pash ngjarjen që ndodhi tek sheshi 'Skëndërbej", thuhet në dëshminë e Sali Xhepës.
Mema ishte në gjendje të dehur dhe i droguar, pasi në automjet janë gjetur edhe disa doza lënde narkotike, ndërsa para se të futej në shesh, ai ka përplasur edhe disa automjete të tjera.
Fatmirësisht ngjarja u neutralizua në kohë pa shkaktuar pasoja falë 22-vjeçarit Klodian Elqeni, i cili bëri një veprim heroik duke iu afruar automjetit të agresorit dhe e goditi atë me shqelm në fytyrë, ndërsa tha për mediat se e bëri këtë veprim pasi mendoi se bëhej fjalë për një akt terrorist.
Komente
Nuk e di ne se shoku i tij qe morri makinen me qera e dinte qe ky Mema ishte i dehur e i droguar,por tani do t'i duhet te paguaje demtimin e makines.Kur merr nje makine me qera duhet t'a ngasesh gjithnje vete dhe nuk mund t'ia japesh as te afermit tend,as nje eselli,jo me nje te dehuri e te droguari jo e jo,se ne fund ty te mbetet fatura.
Përgjigju