Policia e Pogradecit ka arrestuar dy persona me banim në Kamëz të cilët po transportonin sirianë drejt kryeqytetit. Mëngjesin e sotëm rreth orës 04:00 policia ka ndaluar dy mjete një prej të cilave po transportonte 5 sirianë.
Për transportimin e tyre drejtuesi i mjetit identiteti i të cilit nuk bëhet i ditur ka përdorur rrugën e re të QafëPllocë-Qukës. Mësohet se sirianët janë kthyer mbrapsht. Ditëve të fundit janë goditur dhjetëra raste të veprimtarisë kriminale në fushën e dhënies ndihmë shtetasve të huaj për kalimin e paligjshëm të kufirit kundrejt fitimit.
Rasti i fundit ishte transportimi i 7 sirianëve drejt kryeqytetit i cili përfundoi me një aksident dhe plagosjen lehtë të 4 sirianëve në aksin Korçë-Pogradec.
Komento
