Nga Specialistët për Hetimin e Narkotikëve në Drejtorinë Vendore të Policisë Gjirokastër u bë arrestimi në flagrancë i shtetasit Ermal Sadiku, 34 vjeç, banues në Rabie, Memaliaj.
Arrestimi këtij shtetasi u bë pasi rreth orës 15:00 gjatë kontrollit të ushtruar nga specialistët për hetimin e narkotikëve, në vendin e quajtur ish oficina e Fermës Tepelenë, në aksin rrugor Tepelenë – Memaliaj, në një çantë kishte lëndë të dyshuar narkotike të llojit cannabis sattiva me peshë 2 (dy) kilogram e 650 (gjashtëqind e pesëdhjetë) gramë.
Materialet në ngarkim të këtij shtetasi i kaluan Prokurorisë së Rrethit Gjyqësor Gjirokastër për veprime të mëtejshme, për veprën penale prodhimi dhe shitja e narkotikëve parashikuar nga neni 283/1 i Kodit Penal.
Komento