Rusi- Një tërmet me magnitudë 6,6 ballë të shkallës Rihter goditi ishujt Kuril, që i përkasin Rusisë, sipas Qendrës Kërkimore Gjermane për Gjeoshkencat (GFZ).
Tërmeti që ra sot (27 Dhjetor), kishte një thellësi fokale prej 145 kilometrash.
Kuriles janë një arkipelag ishujsh në Azinë verilindore, me një popullsi prej jo më shumë se 100 njerëz.
Ato shtrihen për rreth 1200 kilometra nga ishulli Hokkaido në Japoni, deri në Gadishullin Kamchatka në Siberi dhe ndajnë Detin e Okhotsk nga Paqësori verior.
Ato përbëhen nga gjithsej 56 ishuj vullkanikë me disa ishuj më të vegjël shkëmborë. Për momentin nuk raportohen viktima, të lënduar apo dëme të tjera, edhe pse forca e lëkundjeve sizmike përcaktohen si të fuqishme dhe të rrezikshme nga ekspertët.
Ishujt janë objekt i një mosmarrëveshjeje territoriale midis Rusisë dhe Japonisë, që daton në fund të Luftës së Dytë Botërore, kur trupat sovjetike u kapën nga japonezët.
Për shkak të kësaj mosmarrëveshjeje, të dy vendet nuk kanë nënshkruar një traktat formal paqeje.
Komente
