Një tërmet me magnitudë 4.4 ballë ka lëkundur Fushë Arrëzin pasditen e sotme. Lëkundja është regjistruar në orën 17:37:09 me orën lokale duke shkaktuar panik dhe frikë te qytetarët që kanë dalë nga banesat.
Sipas Institutit të Gjeoshkencave, Energjise, Ujit dhe Mjedisit epiqendra është regjistruar 15 km në verilindje të Fushë Arrëzit, ndërsa thellësia është 10 km. Nga të dhënat e para nuk raportohet për dëme materiale.
Kryetari i bashkisë së Fushë Arrëzit Fran Tuci në një lidhje telefonike për Shqiptarja.com u shpreh se në qytet nuk ka dëme nga tërmeti, ndërsa për zonat rurale po grumbullohet informacion nëse ka pasur probleme.
"Nuk jam në bashki sot, pasi po lëviz nga Tirana në drejtim Fushë Arrëzit, por nga informacionet që kam nuk janë dëgjuar lëkundje në qytet. Deri tani nuk kam njoftime për dëme në qytet. Për zonat rurale po marr informacion" tha ai.
Edhe ministria e Mbrojtjes thekson se nga informacionet e deri tanishme nuk raportohet për njerëz të lënduar apo dëme materiale.
Komente
Po dalin profetesite e nostradamusit
PërgjigjuZ kryeminister u tall me presidentin kur tha se me nje dekret presidenti e shtyn termetin.
PërgjigjuMe shumë panik përhapni ju se sa tërmeti!
Përgjigju