Turqia sërish në ankth, një tjetër tërmet goditi vendin mëngjesin e kësaj të diele.
Magnituda e lëkundjeve ishte 5.3 me epiqendër sërish Elazig, aty ku vetëm 2 muaj më parë ra një tjetër tërmet i fuqishëm me pasoja të rënda.
Sipas mediave turke, tërmeti u regjistrua në një thellësi prej 15 km dhe u ndje në disa qytete si Malatya, Adıyaman, Şanlıurfa, Mardin, Batman dhe Diyarbakır.
Menjëherë sapo ndjenë lëkundjet, banorët e Elazig dolën nga banesat e tyre duke iu frikësuar një katastrofe të dytë brenda pak kohe.
Ministri i Brendshëm, Suleyman Soylu bën me dije se deri më tani nuk ka pasur raportime për të lënduar apo për ndërtesa të dëmtuara.
Ky është një tjetër tërmet i cili ka goditur Turqinë brenda 2 muajsh. Kujtojmë se në tetor, tërmeti me magnitudë 6.6 u mori jetën 114 personave dhe plagosi mijëra të tjerë.
