Kishte arritur vetëm pak ditë më parë në Francë dhe u bë autori një nga masakrave më të rënda që ka parë vendi vitet e fundit.
Tuniziani, 21 vjeçar kishte arritur para pak ditësh me një dokument të Kryqit të Kuq Italian, lëshuar pasi ai arriti në ishullin Italian të Lampedusas me anije migrantësh muajin e kaluar.
Sipas njoftimeve të mediave vendase autori gjendet në gjendje kritike në spital, pasi u qëllua nga policia dhe është në një gjendje kritike.
Në një zhvillim tjetër, një burrë 47 vjeçar që besohet të ketë qenë në kontakt me sulmuesin u arrestua nga policia të enjten vonë.
Vrasja makabre e tre personave dje në Bazilikën e Notre Damit në Nicë, ka shkaktuar reagime të shumta në opinionin publik francez dhe botëror.
Masakra e së enjtes ka rritur tensionet në Francë, të cilat erdhën pak ditë pas vrasjes së mësuesit francez Samuel Paty pasi u kishte treguar karikatura të diskutueshme të Profetit Muhamed disa nxënësve të tij.
I dyshuari në sulmin e Nicës u dëgjua në mënyrë të përsëritur duke bërtitur "Allahu Akbar" (Zoti është më i madhi) para se të qëllohej nga policia. Ndërkohë që prokurori deklaroi se në momenrtin e kapjes atij iu gjetën një Kuran, dy telefona dhe një thikë 30 cm (12 inç).
Komente
