45 nga 1736 punonjës policie të testuar për drogën kanë rezultuar pozitiv që prej datës 15 nëntor të vitit të kaluar kur nisi procesi. Blutë njoftojnë se për kategorinë e “pozitivëve” po kryhen hetime administrative nga Drejtoria e Standardeve Profesionale pranë Drejtorisë së Përgjithshme të Policisë së Shtetit. Një prej 45 efektivëve që rezultuan pozitiv është përjashtuar nga Policia në bazë edhe të rrethanave të tjera të cilat vërtetojnë shkeljen e rëndë disiplinore.
Për kategorinë e të dyshuarve që tashmë kanë rezultuar pozitivë, do të zhvillohet një test i dytë, për t’u siguruar nëse janë përdorues të lëndëve narkotike dhe më pas pritet të ndërmerren hapa konkrete. Nisma për testin e drogës u aplikua pak kohë pas marrjes së detyrës në krye të bluve të drejtorit Gledis Nano.
'Drejtoria e Përgjithshme e Policisë së Shtetit, në kuadër të masave parandaluese për përdorimin e lëndëve narkotike nga punonjësit e Policisë së Shtetit, si dhe me qëllim rritjen e standardeve dhe integritetit personal të tyre, nga data 15.11.2021, ka vijuar me ekzaminimin e punonjësve të Policisë së Shtetit, të cilët gjatë karrierës dyshohen për përdorimin e lëndëve narkotike. Sikurse është bërë e ditur, ekzaminimi filloi pas nënshkrimit të Marrëveshjes së Bashkëpunimit ndërmjet laboratorit mjekësor “Intermedica” në Tiranë dhe Drejtorisë së Përgjithshme të Policisë së Shtetit, për kryerjen e tij, pa asnjë kosto për punonjësit dhe për Policinë e Shtetit.
Deri tani janë ekzaminuar 1736 punonjës policie, kryesisht nga sektorë dhe mosha me risk, nga të cilët 45 kanë rezultuar të dyshuar pozitivë. Për këtë kategori po kryhen hetime administrative nga Drejtoria e Standardeve Profesionale. Ēshtë përjashtuar nga Policia e Shtetit, 1 punonjës policie, duke analizuar edhe rrethanat e tjera të cilat vërtetojnë shkeljen e rëndë disiplinore. Në vijim të hetimit administrativ, për kategorinë e të dyshuarve pozitivë, do të zhvillohet një test i dytë, për t’u siguruar nëse janë përdorues të lëndëve narkotike.
Policia e Shtetit mbetet e angazhuar dhe e vendosur për të luftuar krimin, në veçanti krimin e organizuar, duke krijuar një ambient sa më të sigurt për qytetarët, si dhe për të larguar nga radhët e saj çdo punonjës policie që abuzon me detyrën dhe me ligjin. Në këtë kuadër fton sërish qytetarët që të denoncojnë në 112 e Komisariatin Dixhital, çdo paligjshmëri, sjellje të pahijshme apo abuzim me detyrën nga punonjësit e Policisë, duke iu garantuar reagim të menjëhershëm, profesional e të paanshëm.'- njofton policia.
Komente
Duhet pasur kujdes me testet,e kam fjalen per policet qe dalin ne teren per shkuljen e djegien e kanabisit,ose ata qe merren me eliminimin e drogave te forta,sepse avujt,tymrat e pluhuri i tyre depertojne ne trup.E them kete nga pervoja personale.Une se kam pire duhanin,as familja ime,por kur kemi qene ne shkolle,shume nga nxenesit dhe studentet e pinin ne pushim mes klasave,ndonje mesues o profesor ne raste shume te rralla e pinin dhe gjate orarit te mesimit,per te mos folur c'pihej ne rruge e ne ambiente te tjera publike.Nena ime me thoshte se ne ate kohe rrobat dhe canta ime kur kthehesha ne shtepi mbanin ere duhan sic mbajne ere ata qe quhen //chainsmokers/.Ne fund,pas me shume se 10 vjetesh kisha thithur kaq shume tym duhani indirekt,sa qe fillova te kisha etje per cigare kur fillova te isha ne ambient pa duhan.Puna arriti deri aty,sa kam pire disa cigare thjesht per te shuar etjen per tym dhe akoma e ndjej ,por jo sa me pare.E zgjata komentin,sepse ndonje nga keta policet mund te jete djegur kot,megjithese nuk perjashtohet qe ka dhe perdorues te vertete,pra duhet kujdes.
PërgjigjuTesti I dyte duhet të behet me rrenjen e flokut që te jete I besueshëm. SE vetem në këtë mënyrë vërtetohet 100% përdorimi, para 6 muajsh. Ndryshe kta polic dalin të pastër. Dhe behet një farse .... për show.
Përgjigju