Asia Bibi, nëna e katër fëmijëve, u dënua në vitin 2014 pasi u akuzua se ofendoi profetin Muhamed, por tashmë është dhënë urdhri që ajo të lirohet.Bibi është shprehur vazhdimisht se është e pafajshme, ndonëse ka kaluar tetë vite e izoluar në qelinë e saj.
Vendimi i fundit i Gjykatës ka shkaktuar protesta të dhunshme nga ata që mbështesin ligjet e forta të blasfemisë. Protesta kundër këtij vendimi janë mbajtur në disa vende të Pakistanit. Islamistët u hodhën në protesta në Karraçila, Horra dhe Peshavar, ku ka pasur edhe përleshje me policinë. Forcat e rendit ndërkohë janë detyruar të rrethojnë të ashtuquajturën zonën e kuqe të kryeqytetit Islamabad ku ndodhet Gjykata Supreme e vendit. Në përpjekje për të mbajtur larg turmat e zemëruara janë angazhuar edhe trupa ushtarake.
Partia Islamike e linjës së ashpër, e cila ka kërkuar ekzekutimin e Bibit ka bërë thirrje për vdekje gjykatësve që anuluan vendimin, por kjo parti ka kërkuar edhe shkarkimin e kryeministrit të vendit. Të krishterët e Pakistanit ndërkohë e quajnë një fitore për të gjithë komunitetin e tyre përmbysjen e dënimit me vdekje të Asia Bibit, të dhënë për akuzën e blasfemisë.
Incidenti që e la në burg për gati një dekadë ndodhi në qershorin e vitit 2009 kur Asia ishte duke mbledhur fruta me një grup grash dhe i gjithë sherri nisi për një kovë, ujin e të cilit ato pretendonin se nuk e preknin dot pas saj pasi në sytë e tyre besimi që kishte ajo e bënte ujin të papastër.
Komente
