Supersfida e javës së 16 të Superligës mes Teutës dhe Partizanit është mbyllur me shifrat 1-1. Një barazim që i shkon për shtat më shumë Vllaznisë, e cila ruan diferencën me dy skuadrat ndjekëse në 9 pikë.
Përsa i përket zhvillimit të ndeshjes të parët që kaluan në avantazh ishin ‘demat’ me Asanin, duke krijuar përshtypjen e një tre pikëshi në transfertë. Gjithsesi po brenda pjesës së parë Teuta barazoi me sulmuesin Krasniqi. Në pjesën e dytë, përveç ndonjë rasti sporadik, për t’u veçuar ishte kartoni i kuq i futbollistit të Partizanit, Murataj.
Pas 16 javësh kampionat Teuta dhe Partizani ndajnë vendin e dytë me 27 pikë.
Komento
