Rubin Hebaj nuk është më pjesë e Teutës në Superligë. Sulmuesi 24-vjeçar largohet pas një viti nga durrsakët, teksa u rikthye me "Djemtë e Detit" në janarin e 2022 pas aventurës me Shkëndijën.
Lajmin e ka konfirmuar vetë lojtari në rrjetet sociale. "Nga sot nuk jam më pjesë e KF Teuta. I uroj klubit suksese në të ardhmen. Faleminderit Teuta", shkruan Rubin Hebaj.
Shkodrani luajti 15 ndeshje këtë sezon me Teutën, teksa shënoi vetëm një gol dhe dhuroi dy asiste. I dalë nga moshat e Vllaznisë, 24-vjeçari ka luajtur edhe për ekipin e parë të kuqebluve, teksa ka qenë pjesë edhe e Domzale, Partizanit, Vorskla Poltavës dhe Shkëndijës. Pas largimit të sulmuesit Kapllani, tanimë nga Teuta largohet edhe Hebaj.
Postimi i Rubin Hebaj
Komento
Komente
Nje gol dhe dy asise! ky esht e ardhmja e futbollit Shqiptar ha ha ha.
Përgjigju