Drejtuesi politik i Elbasanit, Tomor Alizoti ka falenderuar demokratët për votën në 11 Maj. Ndonëse PD pësoi humbje të thellë jo vetëm në këtë qark, Alizoti e gjen “fajin“ te qeveria duke thënë se votuesit opozitarë ishin nën presion dhe se u deshën të përballeshin me bandat dhe zyrtarët e Elbasanit.
“Dua të falenderoj nga zemra dhe ti përulem të gjithë atyre që besuan dhe tejkaluan presionin, duke zgjedhur Partinë Demokratike. Personalisht i ndihem borxhli të gjithë qytetarëve të qarkut të Elbasanit. Si atyre demokratëve që nuk morën nga zgjedhjet atë që prisnin, por edhe atyre jo demokratëve që u trajtuan si kavje nga bandat dhe zyrtarët e Elbasanit. Edhe pse përgjegjësia e PD-së për intimidimin, dhunën, blerjen nuk është direkte, sërisht unë ndjehem i prekur që qyteti i arsimit po shndërrohet në qytetin e baronëve të drogës.”, shkruan Alizoti.
Më tej, ai i quan heronj demokratët që nuk u trembën nga pushteti.
“Heronj të vërtetë janë ata mijëra demokratë që nuk u trembën nga pushteti në simbiozë me krimin. Faleminderit vajzave dhe djemve, komisionerëve e numëruesve të PD-së. Ju qëndruat ndaj, trafikantëve, administratës më të korruptuar. Ne nuk e harrojmë kurrë, opozita është qëndrim ndaj së keqes. Ju jam mirënjohës.”, shkruan Alizoti.
PD pësoi një humbje të thellë në zgjedhje, duke u tkurrur në 50 mandate dhe rënie të ndjeshme në përqindje. PD ka kontestuar edhe votën e diasporës, e cila i dha gjithashtu një mbështetje të ndjeshme PS-së, duke kërkuar një audit nga KQZ si edhe mospërfshirjen në rezultatet e fundit.
Alizoti tërhoqi vëmendjen gjatë fushatës edhe me një deklaratë të tijën, teksa kërcënontë kundërshtarët duke thënë se nëse preknin votën “do t’iu hamë të gjallë”.
Komente
Po mire mer kastravec ku ishe ti qe do i hanje te gjalle?
Përgjigju