Policia e Tiranës arrestoi një 18-vjeçar në rrugën Tiranë-Rinas, pasi po transportonte 20 emigrantë të paligjshëm në një furgon me destinacion qytetin e Kukësit, ndërsa ka shpallur në kërkim bashkëpunëtorin e tij 27 vjeç.
Bëhet me dije se 18-vjeçarit A.M i ishte caktuar masa e sigurisë “Arrest Shtëpie” nga Gjykata e Rrethit Gjyqësor Krujë, për veprat penale "Prodhimi dhe shitja e narkotikëve” dhe “Nxitja për përdorimin e drogës”.
Gjithashtu bashkëpunëtori i A.M, I.Ç 37 vjeç ishte dënuar më parë për kryerjen e veprës penale "Falsifikimi i monedhave".
Materialet procedurale i kaluan Prokurorisë së Rrethit Gjyqësor Tiranë, për veprën penale "Ndihma për kalim të paligjshëm të kufijve", kryer në bashkëpunim.
Komento
