Marlen Gutici është prangosur nga policia e Tiranës pasi ka thyer masën e ‘arrestit shtëpiak’, i dënuar më parë për vepra penale në fushën e narkotikëve.
37-vjeçari është ndaluar nga shërbimet e Policisë, në rrugën "Foto Xhavella", dhe gjatë kontrollit fizik, i është gjetur një sasi lënde e dyshuar narkotike e llojit kokainë.
Pas verifikimeve ka rezultuar se Marlen Gutici kishte thyer masën e sigurisë "Arrest në shtëpi", për veprën penale “Podhimi dhe shitja e narkotikëve”.
Gjatë kontrollit në banesën e tij, iu gjet një armë zjarri pistoletë me krehër me municion luftarak, e cila u sekuestrua në cilësinë e provës materiale, së bashku me lëndën narkotike kokainë dhe një peshore elektronike.
37-vjeçari rezulton një person me precedent të theksuar penal. Në 2012 Marlen Gutici u kap me 17 kg kanabis në Vlorë. Po ashtu edhe në 2020 Marlen Gutici ka tentuar që t’i vendosë një sasi tritoli shtetasit Adhurim Demiri, po në Vlorë.
