Një 38-vjeçar është arrestuar nga policia mesditën e sotme në Fier, pasi ka thyer masën e sigurisë ‘arrest shtëpie’, ndërsa raportohet se iu gjet edhe kanabis me vete.
Policia njofton se 38-vjeçari me inicialet S.S., u kap nga Forcat e Posaçme ‘Shqiponjat’ në automjetin me të cilin po udhëtonte.
Më herët, Gjykata e Shkallës së Parë Fier ka caktuar masën e sigurisë "Arrest shtëpie" ndaj 38-vjeçarit për veprën penale "Prodhimi dhe shitja e narkotikëve".
Njoftimi i Policisë
Specialistët e Seksionit për Hetimin e Narkotikëve në DVP Fier arrestuan në flagrancë shtetasin S. S., 38 vjeç, banues në Fier, pasi gjatë kontrollit të ushtruar nga Forca e Posacme "Shqiponja" në automjetin me të cilin ky shtetas udhëtonte, iu gjet një sasi e vogël lëndë narkotike cannabis sativa. Për këtë shtetas Gjykata e Shkallës së Parë Fier ka caktuar masën e sigurisë "Arrest shtëpie" për veprën penale "Prodhimi dhe shitja e narkotikëve".
