Në këto kohë covidiane, shkrimtarja Helena Kadare ka dhënë mesazhin e saj të fortë lidhur me vaksinimin e të rinjve.
Kadare shprehet se gjithnjë ka qenë “një” me shpirtin e lirë, të hapur dhe kurajoz të të rinjve, por për herë të parë mendimet po “përplasen” dhe arsyeja është vaksinimi.
Në një kohë kur virusi nuk po njeh më moshë dhe një valë e re po “godet” rinin, Kadare thekson se nuk e kupton refuzimin e vaksinës nga të rinjtë, duke shtuar se kjo është sikur t’i thuash jetës jo, në favor të mosqenies.
“Por, në një bilanc të shkurtër, çfarë na duhet neve jeta pa nipërit e mbesat tona?”, pyet ajo në një formë retorike.
Mesazhin e shkrimtares e ka dhënë ministrja e Shëndetësisë Ogerta Manstirliu.
Mesazhi i plotë i Helena Kadares:
Tërë jetën time kam qenë në krah të mendimit të të rinjve, edhe kur ai ka qenë ekstravagant apo në kundërshtim me logjikën ‘e pastër’. Sepse sido që të jetë ai, mendimi i rinisë, në të gjitha rastet është më i përparuari, është i lirë, i hapur, kurajoz. Për herë të parë në jetën time të gjatë, gjithmonë pro tyre, mendimi im po bie ndesh me ta. Është vaksina kundër Covidit që na ndan. Ne, të rriturit, i shpëtuam kësaj murtaje në sajë të vaksinës. Por, në një bilanc të shkurtër, çfarë na duhet neve jeta pa nipërit e mbesat tona? Sepse tani vala po godet ata. E kam të pamundur t’i gjej logjikën refuzimit të vaksinës prej tyre. Është njësoj si t’i thuash Jetës jo, në favor të mosqenies! Kaq e thjeshtë.
J.GJ.//ReportTv.al
Komente
Cfare farse e peshtire! Me cfare pafytyresie pretendon qe i dhimbsen femijet tane kesaj me shume se ne? Femijet jane praktikisht te parrezikuar nga Covid-19, ndersa treguesit e vendeve me te vaksinuara tregojne qe rastet e miokardise dhe shqetesimeve te tjera te zemres (matur dy jave pas dozes se dyte) jane abnormalisht te larta.
Përgjigju