Brentford dhe Wolves barazuan 1-1 për raundin e 1/32 në FA Cup të Anglisë. Në këtë sfidë arbitri Tony Harrington akordoi karton të kuq për Gomesin e miqve që në minutën e nëntë.
Veç dhënies së kartonit në minutat e para, xhiron po e bën pamja e tij. Ndryshe nga sa jemi hasur më parë me forma drejtkëndore, kartoni i kuq i akorduar ka qenë në formë të rrumbullakët.
Në këtë sfidë në portë ishte Thomas Strakosha për Brentford. Gardiani i Kombëtares ka treguar se nuk ka minuta në këmbë, duke bërë një gafë të rëndë në fillim të sfidës, që për pak sa nuk rrezikoi pësimin e golit.
Strakosha ishte lojtari me notën më të ulët (6.1) në fushë, nga futbollistët që e nisën ndeshjen titullar. 'Gardiani' ka kohë pa qenë në fushë dhe nuk është zgjedhja e parë te londinezët.
