Lista Serbe ka bërë të ditur se pjesëmarrja e tyre në seancën e sotme të Kuvendit ët Kosovës ishte bërë vetëm e vetëm për të parandaluar marrjen e mandateve.
“Anëtarët e Listës Serbe sot morën pjesë shkurtimisht në seancën e Kuvendit të Kosovës për të futur kartela dhe për të parandaluar ata nga marrja e mandateve parlamentare për arsye procedurale”, thuhet në një njoftim.
Sipas gazetës Telegraf, deputetët në këtë mënyrë përmbushën detyrimin e tyre formal për të mos munguar në Kuvend për më shumë se gjashtë muaj.
Ndër tjerash, në njoftim thuhet se lista Serbe do të vazhdojë të luftojë për realizimin e së drejtës serbe dhe mbrojtjen e interesave të tyre në Kosovë.
Deputetët e Kuvendit të Kosovës sot kanë votuar pro rezolutës për pezullimin e aktivitetit të kazinove dhe lojërave të fatit dhe plotësim ndryshimi i ligjit përkatës.
Një bojkot i ngjashëm u thye edhe nga deputët e opozitës në Shqipëri, në dhjetor të vitit të kaluar.
Ata u kthyen në Kuvend me arsyetimin se po bënin sakrificë për reformën e studentëve, ndërkohë që mandatet e tyre ishin në prag të djegies.
Komente
