Komisioni i Disiplinës ka gjobitur klubin e Laçit pasi sipas saj ka dështuar për të garantuar sigurinë e zyrtarëve të klubit kundërshtar gjatë ndeshjes me Partizanin më 28 prill. Gjatë ndeshjes disa tifozë të Laçit kanë goditur trajnerin e portierëve të Partizanit duke shkaktuar tensione në fushë. Në një kohë që prania e tifozëve nuk lejohet në stadiumin për shkak të masave anti-COVID, ata jo vetëm që u lejuan të hynin, por shkuan deri në fushën e blertë duke goditur trajnerin e portierëve të Partizanit.
“KF Laçi, për dështim në përmbushjen e detyrimeve dhe përgjegjësive duke mos garantuar sigurinë e zyrtarit të klubit kundërshtar, në bazë të neneve 63/1/c, dhe 64/1 të KDS, dënohet me gjobë në masën 100.000 (njëqind mijë) lekë”, thuhet në vendimin e Komisionit të Disiplinës.
Gjatë ndeshjes Laçi-Partizani, disa tifozë në tribunën e stadiumit kanë goditur në kokë trajnerin e portierëve të Partizanit, Ilir Buzhiqi.
Komente
Po a jane ndeshjet pa tifoze? Ndaj si e gjobit një skuader kur ka një urdher ndeshje pa tifoze?! Pra ky duket si pa kuptim se me duket superliga eshte pa tifoza…
Përgjigju