Një person me inicialet A.H është shpallur në kërkim nga policia pasi është bërë shkak për ndërprerjes e ndeshjes Delvina-Alpetrol në Kategorinë e Dytë.
Kjo pasi në minutën e 16 të ndeshjes ai ka hyrë në fushë dhe ka goditur një nga arbitrat anësor. Për shkak të kësaj goditje nga tifozi gjyqtari është dërguar në spitalin e Saranës ku po merr mjekimin, ndërsa ndodhet jashtë rrezikut për jetën.
Pas identifikimit, në një njoftimin e policisë, thuhet se po punohet për kapjen e tij, ndërkohë që për ngjarjen ka reaguar edhe klubi i Delvinës.
“Fk Delvina shprehet e indinjuar nga incidenti i ndodhur diten e sotme ne ndeshjen kunder Albpetrolit, per hyrjen ne fushe te 1 personi i cili ka godit anesorin pasi eshte futur ne fushe,ndeshja eshte nderprere pas ketij incidenti,nuk mund te goditet 1 qytet i tere 1 ekip i tere nga 1 njeri qe fundja mund te quhet i cmendur dhe eshte futur ne fushen e sportit kur ndeshja eshte pa spektatore, kerkojme vetem drejtesin asgje me shume, ekipi qyteti nuk eshte fajtor per asgje dhe nuk ka pjese fare ne kete incident,kerkojme 1 zgjidhje dhe sqarim sa me te shpejte te ngjarjes.”
Pas dhunës së ushtruar ndaj arbitrit anësor të ndeshjes Delvina-Albpetroli nga një person që është futur në fushë ka reaguar dhe Federata Shqiptare e Futbollit.
Ajo e dënon dhunën e ushtruar teksa i bën thirrje dhe organeve ligjzbatuese të marrin menjëherë masa për të ndaluar këto akte që prishin imazhin e futbollit.
Gjithashtu ajo i bën thirrje Policisë së Shtetit që të veprojë për të ndaluar shkaktarët e kësaj dhune ndaj gjyqtarit Elis Pulaj.
Sakaq, Federata Shqiptare e Futbollit do të caktojë një inspektor disipline për të kryer një hetim disiplinor në lidhje me incidentin dhe dhunën ndaj gjyqtarit.
