VOSKOPOJË, Korçë - Kisha e 'Shën Kollit' (Nikollës) ishte skena e rradhës, aty ku dhe uli siparin edicioni i 7 i Mik Festival. I gjithë edicioni i këtij festivali ishte i mbushur plot me supriza dhe risi, ku në fokus ishin veprat e mëdha të vëna në skenë nga më shumë se 100 artistë.
Në fshatin me histori dhe turizëm të zhvilluar, motoja e koncertit përmbyllës ishte ”ku bashkohet shpirti, muzika dhe mjeshtëria e punës së dorës”. Ndërsa tinugujt e muzikës mesjetare të Blerta Zhegut e cila u shoqërua në piano nga Adelina Mula dhanë një atmosferë magjike të përshtatur me vendin me histori të shumtë.
Nën moton e paraqitur ishte ndërthurur edhe artizanati, ku artizanë nga e gjithë juglindja prezantuan në një panair të veçantë punime dhe gatime tradicionale, të cilat tërhoqën dhe vëmendjen e turistëve të shumtë që zgjedhin Voskopojën për freskinë dhe natyrën.
4 mbrëmje të mbushura me emocion, sollën në skenë vepra të shumta në MIK Festival, në të cilën u bënë bashkë përveç vendasve, vizitorë të shumtë për të prekur nga afër vepra botërore, që u përshtaten dhe u futën në kalendarin artistik nën kujdesit të ideatores dhe sopranos Inva Mula.
S.DH/ReportTv.al![](https://www.report-tv.al/template/img/antipiracynote.jpg)