Prej dy javësh tashmë vendi ynë është bërë pjesë e hartës së shteteve të prekura nga virusi korona, që po rrit ndjeshëm numrin e viktimave edhe te fqinjët tanë.
Mbyllja në shtëpitë tona, si masë parandaluese ndaj virusit ka ngrirë gjithçka, jetën sociale dhe atë kulturore. Megjithatë atë që nuk e bëjmë dot fizikisht, teknologjia na e ka mundësuar. Afrimi dhe komunikimi, por edhe arti tashmë janë zhvendosur në botën virtuale, aty ku virusi nuk depërton dot. Artistët kanë vazhduar me thirrjet e tyre për të sensibilizuar njerëzit, por edhe për t'i dhënë shpresë atyre se bashkë do ia dalim.
Balerinët e TOB, por edhe këngëtarë si Marsela Çibukaj kanë performuar këngë që përcjellin shpresë te të gjithe ne.
Devis Xherahu ka publikuar në Instagram një video mesazh, duke kënduar.
Ai shprehet se vetëm nëpërmjet besimit në zot do të dalim nga situata që koronavirus ka krijuar jo vetëm në Shqipëri, por edhe në botë.
Marsela Çibukaj e ka festuar ditëlindjen e saj në karantinë, e pashoqëruar nga njerëzit e dashur.
Këngëtarja ka shkruar në rrjetet sociale se kjo ishte një ditëlindje e pazakontë të cilët e kishte menduar nën shoqërinë e të afërmve, por e shoqeruar nga rrezet e diellit në ballkonin e saj, ajo thotë se kjo situatë e bën të kuptojë që sensi i jetës ...është vetë jeta!
Nuk ka mënyrë më të mirë për të kuptuar vlerat e jetës dhe vendit ku jetojmë sesa përmes tingujve të muzikës! Këtë po na dëshmojnë cdo ditë artistët të cilët përmes këngëve kanë sjellë te të gjithë mesazhe të rëndësishme gjatë ditëve që të gjithë janë në izolim, në pritje të permirësimit të situatës nga koronavirus.
Edhe Eneda Tarifa, tashmë e izoluar në shtëpinë e saj, ka sjellë për ndjekësit e saj një video ku shfaqet vajza e saj në piano, dhe mamaja e saj duke kënduar 'Atdheu'.
Këngëtarja e ka publikuar videon me hashtagun #rrinështëpi.
Video mesazheve sensibilizuese të artistëve në Kosovë e Shqipëri i është bashkuar edhe solisti i grupit muzikor "Elita 5".
Në një postim në rrjetet sociale këngëtari bën thirrje të qëndrojmë në shtëpi në mënyrë që kjo situatë të mbarojë sa më shpejt.
Regjisori Altin Basha dhe bashkëshortja e tij skenografja e kostumografja Iliriana Basha përmes një video-mesazhi nga shtëpia për “ReportTV” u kërkojnë të gjithë shqiptarëve të qëndrojnë në shtëpi në këto ditë të vështira.
Kjo periudhë izolimi, si masë parandaluese ndaj një armiku mikroskopik, ka bërë që toka të gjejë pak qetësi në shtratin e vet. Ajri po ashtu është më i pastër, e fjala e natyrës dëgjohet më shumë. Çifti i artistëve Dardana Bërdyna dhe Albert Dedja nga Italia (Trento), kapin këto momente, dhe i gdhendin në vargje e recitim, sepse e ardhmja, në të gjithë e brezat që vijnë kanë nevojë për një botë më të pastër. Ata tentojnë përmes artit të shkundin ndërgjegjen njerëzore, për mjedisin artificial që po lëmë pas. Kjo periudhë paniku do të mbarojë, edhe ajo që mbetet krahas dhimbjes për humbjet njerëzore, frikës, trishtimit, duhet t’i lërë vend dhe reflektimit rreth kërcënimit që i kemi bërë natyrës...
Dy kërkueset shkencore shqiptare nga Anglia, Detina dhe Argita Zalli bëjnë apel përmes një video-mesazhi nga shtëpia e tyre për të gjithë shqiptarët, që të qëndrojnë në shtëpi. Ato tregojnë se janë 20 vaksina në zhvillim, ndërsa në këtë fillim jave që vjen do të testohet vaksina e parë tek njeriu
Gazetarja Arta Marku për “Reporttv” teksa bën apel përmes një video-mesazhi nga shtëpia, që këto ditë të qëndrojmë në shtëpi. Ajo lexon një pjesë të librit “Në kërkim të kuptimit të jetës” të Viktor E. Frankl
Artisti i njohur Zef Deda bën apel nga shtëpia e tij, ku gjendet këto ditë i vetizoluar për shkak të covid-19. Përmes humorit të hollë artisti, por edhe duke kënduar këngën e njohur italiane “Nessun Dorma” të Puccini-t, (interpretuar nga Luciano Pavarotti) shprehet se do t’ia dalim.
Ajo që bie në sy në videon e dërguar në Report TV, është “furnizimi” me portokalle, të cilat përmbajnë vitaminën C dhe janë rekomanduar nga mjekët. Mesa duket artist ii ka marrë masat për ta kaluar shëndetshëm këtë periudhe.
Ndërsa institucionet e kulturës në shtetin fqinjë Italinë, prej javësh kanë mbyllur dyert, në emër të jetës, duket se dëshirën për art në zemrat e artistëve italianë, nuk mund ta ndalin kufijtë fizik. Puna e fundit e Operas Ndërkombëtare "Choir" në Romë të drejtuar nga Giovanni Mirable, duket se ndez një shkëndijë të fortë optimizmi, për artistët e bashkuar, në emër të rimëkëmbjes. Përmes një regjistrimi virtual të këngës "Va pensiero", muzika klasike bashkon dhjetëra koristë të cilët i kanë dhuruar publikut një performancë tepër emocionuese.
Situata e krijuar nga përhapja e koronavirus në Shqipëri, por edhe në botë ka 'ngrirë' institucionet kulturore duke i lënë ata ndërtesa bosh në pritje për tu mbushur shumë shpejt nga artdashësit.
Megjithatë, artistët kanë sjellë në forma të ndryshme artin pranë të gjithë atyre që duan ta ndjekin.
Sopranoja Ermonela Jaho ka postuar në rrjetet sociale linkun në të cilin të gjithë dashamirësit e operas mund të ndjekin kryeveprën "Traviata", nga Opera Mbretërore e Londrës.
Në një video-selfie për Report Tv, violinistja Ina Kosturi ka performuar me violinë, por ka dhënë edhe një mesazh për të gjithë.
Sipas artistet kjo nuk është një luftë nga ajo që kemi lexuar në libra, ku ka heronj dhe ideale apo sakrifica, por mbetet një luftë ku të fituarit janë ata që rrinë në shtëpi.
Anjeza Shahini dhe banda e instrumentistëve Mario Deda, Franci Fjerca, Arber Koçllari, Çimi Dule dhe Fatlind Dehili kanë sjellë këngën "Rrjedh në Këngë e ligjërime". Këngëtarja shkruan në rrjetet sociale se ishte nder për të të këndonte edhe në kushte shtëpie një këngë të tillë.
Edhe balerinët e Teatrit të Operas dhe Baletit nga shtëpitë e tyre ku janë izoluar prej më shumë se 10 ditësh, kanë sjellë copëza arti. Jo balet, por ata kanë vendosur të sfidojnë veten në këngë.
Nga Lori Bala, te Isida Mollaymeri, balerinët kanë performuar këngën "Ende ka shpresë" të Alban Skenderaj dhe Mirian Cani.
Marsela ka qenë një nga ato artiste që ka dhuruar këto ditë mjaft emocion nëpërmjet performancave të saj në rrjetet sociale.
Së bashku me instrumentistët Arbër Koçllari, Franci Fjerca ajo ka sjellë për ndjekësit e saj "Thërrime Dashurie", një nga këngët më të bukura të saj.
Ermal Mamaqi ka festuar ditëlindjen, ndoshta më të trishtë të jetës së tij.
Urimet e miqve për së largu kanë zëvendësuar përfaëimet, në një kohë kur të gjithëve u duhet të qëndrojnë të mbyllur në shtëpi, që virusi korona të lërë sa më pak pasoja.
Në një postim në rrjetet sociale, ai ka treguar se kjo ishte ditëlindja më e vështirë, pasi nuk mund të kishtë përqafimet e njerëzve të dashur.
Megjithatë, optimist, ai thotë se gjëra më të mira do të vijnë pas kësaj situate.
Komente
Si nuk bane nje here te vetme me dhuru dicka per te varferit me gjithe ate pasuri qe e shton cdo dite,si pshmb atyre qe ju shembi shpine termeti me ndertu nje te vetme se i ke te tana munsite.
PërgjigjuBind yt bire per te qendruar ne shtepi dhe mos te dali te haje m*t neper media per ta kundershtuar rivalin politik Ramen o Zef.
Përgjigju