Pianisti 15-vjeçar Erlis Kuçana, nxënës i shkollës 9-vjeçare të muzikës "Besëlidhja" mbajti një koncert recital, i cili erdhi në përmbyllje të ciklit 9-vjeçar të studimeve.
Pjesët muzikore të luajtura nga pianisti Erlis Kuçana dhe përshëndetja e këtij recitali në flaut nga Ester Shema nxënëse e kësaj shkolle, sollën emocione tek publiku të cilët kishin mbushur sallën e pallatit të kulturës.
Këta instrumentist që po dalin nga shkolla "Besëlidhja", po i përmbushin në maksimum pritshmeritë dhe konsiderohen si mjaft premtues për të ardhmen.
Shkolla "Besëlidhja" po kthehet në një fidalishte e afirmimit të instrumentisteve të rinj thotë Drejtori Rajonal i Arsimit Hasan Muça, sipas të cilit ky institucion arsimor do të ketë një status të veçante.
Koncerti recital i pianistit Erlis Kuçana i titulluar "Pranvera në Liss", zgjat rreth 60 minuta ku u luajtën 8 pjesë të ndryshme muzikore, të emrave të mëdhenj të muzikës botërore.
