Klubet e Superiores ndryshe nga vitet e tjera po tregohen shumë aktive në ditët e para të merkatos. Përveç Partizanit, Kukësit, Laçit dhe Teutës që do të luajnë në Kupat e Europës është edhe Tirana që nuk po ndalet.
Bardheblutë kanë zyrtarizuar sot afrimin e tretë. Bëhet fjalë për mesfushorin Idriz Batha, i cili ashtu si Kale dhe Torrasa (dy lojtarë të cilët sezonin e fundit kanë luajtur te Flamurtari) edhe ai ka qenë pjesë e vlonjatëve. Batha me Tiranën ka nënshkruar një kontratë 1-vjeçare me të drejtë rinovimi edhe për 1 tjetër.
Ndërkohë Kukësi ka njoftuar për ‘goditjen’ e katërt. Klubi verilindor ka gjetur akordin me Bruno Lulaj, mbrojtësin i cili sezonin e fundit është aktivizuar te Skënderbeu. Me kampionët në fuqi të Kupës së Shqipërisë Lulaj ka nënshkruar një kontratë 2-vjeçare.
Gjithashtu me anë të një reagimi në faqen zyrtare, Kukësi ka hedhur poshtë zërat për largimin e Valdet Ramës, futbollistit të afruar në merkatonm e janarit.
Komente
