Prej 27 marsit në sheshin “Nënë Tereza’ dhe sheshin ‘Italia’ ka nisur edicioni i 3 i ‘Automotive Fair Albania’, që vjen si një mundësi unike për të argëtuar të gjithë të apasionuarit e mjeteve moderne dhe klasike.
“Ndodhem në sheshin nënë tereza për një ngjarje të veçantë sportive, mbi të gjitha për moto sportin, ku po ekspozohen makina retro, makina onovative, por për fatin e mirë gjendet piloti shqiptar Gentjan Shaqiri, i cili ka bërë gara ndërkombëtare të FIA-s. Profesori apo piloti?
"Garuesi më mirë!"-shprehet fillimisht Gentjan Shaqiri.
"Kolegu juaj s’u përgjigj? Ka rënë pak në ujë, por ka shkuar mirë përveç motit që vazhdon dhe na bën surpriza me shumë shtrëngata"-deklaroi piloti.
Ka njerëz të interesuar, që vijnë të bëjnë pyetje për makinën?
"Ka shumë njerëz që janë kurioz, se mendojnë e kam bërë unë makinën, se jam unë prodhuesi, por në fakt unë profesor universiteti jam, ekonomie, dhe s’kam lidhje me inxhinierinë ajrodinamike apo mekanike, apo elektrike. Është makinë e prodhuar në Italia, e markës Tatus. Makinë që kanë bërë gara shumë pilotë të njohur që në i kemi hasur shpesh si Kimi Raikonen, Felipe Masa sepse është një makinë që quhet Formula Reno ose formula 3,”-u shpreh Shaqiri.
Në këtë eksperiencë unike të motosportit mund të gjesh pilotë të të gjithë moshave.
“Kur kalojnë njerëzit të pyesin për makinën? ‘Po më pyesin çfarë është, sa ecën ndërsa unë i them që ecën me 120 km/h dhe me një motor TM. Hera e parë që vjen në këtë event? ‘Jo është hera e dyta. Isha në 2024 në maj dhe ishte prap në shi. Ishte shumë bukur sepse edhe rrëshisje, por në fakt unë doja të vendosja kohë,”-deklaroi piloti 9-vjeçar Rohan Yzeiraj.
Publiku i kryeqytetit ka mundësi të provojë eksperienca të paharruara të moto sportit, por edhe të shohë ekspozita të makinave retro apo të informohet për teknologjinë e gjelbër, siç janë makinat elektrike. Padyshim adrenalinën e rrisin garat, që nuk mungojnë çdo ditë mes të gjitha kategorive.
“Nga edicioni i parë në edicionin e dytë ka ardhur duke u shtuar interesi publikut. Në edicionin e dytë kemi patur 160 mijë vizitorë ndërkohë që në të tretin të shohim sesi do shkojmë me statistikat, por besoj se do të shkojmë në rritje,”-tha Erald Totri, organizator i Automotive.
Ekipi i zhirimit të Report TV provoi të kryente edhe një ‘pit-stop’, si ato të Formula 1. Automotive Fair Albania, që ka nisur nga 27 marsi, do të zgjasë deri të dielën më 30 mars.
Komente
