Kryetari i Bashkisë së Tiranës, Erion Veliaj, e ka cilësuar një tjetër premtim të mbajtur hapjen e AgroPark në Farkë, një treg agroushqimor që ka qenë një nevojë e madhe për qytetin. Ky projekt i rëndësishëm ofron mundësi për fermerët të shesin produktet e tyre pa taksa, ndërsa qytetarët mund të blejnë produkte bio me çmime më të ulëta.
Sipas Veliajt, AgroPark i ofron kushte më të mira fermerëve dhe ndihmon në uljen e kostove deri në 70%, duke i kursyer ata nga pagesat që më parë bënin te privatët.
“Tirana e kishte të nevojshëm prej kohësh një treg agroushqimor dhe më vjen mirë që para 2 vitesh e mbajtëm premtimin me hapjen e AgroPark në Fark.
Një investim i jashtëzakonshëm, i cili i jep fermerëve hapësirën e duhur për të shitur produktet e tyre pa taksa, ndërsa qytetarët mund të blejnë produkte bio, të kontrolluara dhe me çmime më të ulëta! Ky projekt i domosdoshëm për qytetin, sidomos për ekonominë e familjeve në fshatrat e Tiranës, jo vetëm qe ka krijuar kushte më të mira për fermerët, por edhe u kursen atyre 70% të kostove që më parë paguheshin te privatët!
Dhe mos harro, se duke blerë produkte bio shqiptare ndihmoni një familje të mbajë dhe të shkollojë fëmijet! Forca”,shkruan Veliaj.
Komente
Shume /afer/ e keni ndertuar ne Farke per ata qe nuk kane mundesi transporti,ose nuk i perballojne dot shpenzimet e tij per te vajtur atje qe te blene produkte te lira,duhet ta kishit ndertuar me mire ne Timbuktu!
Përgjigju