Tiranë-Antidroga e Tiranës e ka arrestuar Kristian Buçin brenda parkingut në QSUT ditën e sotme. Ndaj tij kishin nisur hetimet prej 4 muajsh pasi dyshohet për shpërndarje të sasive të mëdha të kokainës.
Policia ka finalizuar operacionin ‘Interruption’, ku bëhet me dije se gjatë kontrolleve në automjetin e 22 vjeçarit, në rrugën “Kongresi i Manastirit”, dhe më pas në banesën e tij, janë gjetur në total rreth 900 gramë lëndë të dyshuar narkotike kokainë dhe një sasi municioni luftarak.
Policia ka sekuestruar në cilësinë e provës materiale lëndën narkotike dhe sasinë e municionit luftarak.
Është finalizuar operacioni policor i koduar “Interruption”, si rezultat i të cilit u arrestua shtetasi K. B., 22 vjeç, banues në Tiranë. Gjatë operacionit, shërbimet e Policisë kanë ushtruar kontroll në automjetin e këtij shtetasi, në rrugën “Kongresi i Manastirit”, dhe më pas në banesën e tij, ku kanë gjetur në total rreth 900 gramë lëndë të dyshuar narkotike kokainë dhe një sasi municioni luftarak', njoftoi sot policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Kristian Buci
Foto: Kristian Buçi
Report Tv ka siguruar foton e Kristian Buçit, i arrestuar nga Antidroga për shpërndarje të kokainës. Burime bëjnë me dije se i riu kishte rolin si furnizues i shpërndërve më të vegjël.
Ai shiste kokainën nga 10 deri në 20 doza. Lëndën narkotike e blinin shpërndarës të tjerë që e shisnin më pas në klientë të ndryshëm
. Kryesisht drogën e shiste në afërsi të QSUT, Freskut dhe në afërsi të Shkollës së Bashkuar.
Komente
