Një ngjarje e rëndë është regjistruar ditën e sotme në zonën e Yrshekut, në Tiranë, ku një 15-vjeçar ka aksidentuar për vdekje një të moshuar që po lëvizte me biçikletë.
Sipas policisë, ngjarja ndodhi rreth orës 14:40, kur adoleshenti ka qenë duke drejtuar një automjet në pronësi të familjarëve të tij. Ai ka përplasur 82-vjeçarin S. V. i cili për pasojë ka ndërruar jetë rrugës për në spital.
Materialet procedurale iu referuan Prokurorisë së Tiranës, për veprime të mëtejshme.
“Specialistët e qarkullimit rrugor bënë arrestimin e shtetasit të mitur 15 vjeç, pasi në Yrshek, ditën e sotme, rreth orës 14:40, dyshohet se duke drejtuar një automjet të familjarëve të tij, ka aksidentuar shtetasin S. V., 82 vjeç, i cili po lëvizte me biçikletë. Si pasojë 82-vjeçari ka humbur jetën rrugës për në spital. Materialet procedurale iu referuan Prokurorisë së Tiranës, për veprime të mëtejshme.”, thuhet në njoftimin e policisë
Komente
