TIRANË- Një efektiv i FNSH ka plagosur me armë zjarri një 60-vjeçar në zonën e Kombinatit. Policia e Tiranës ka arrestuar efektivin Lutfi Gjyli. Mësohet se Gjyli ka plagosur në këmbë 60-vjeçarin Murteza Lika .Në momentin e plagosjes Gjyli ka qenë në gjendje të dehur.
Ngjarja ka ndodhur rreth orës 20:45, ku Lika është paraqitur në spital për të marrë ndihmë mjekësore. Ai ndodhet jashtë rrezikut për jetën. Sipas policisë, 60-vjeçari Lika vuan nga probleme të shëndetit mendor.
Kjo është ngjarja e dytë e shënuar brenda ditës së sotme, ku protagonistë kanë qenë efektivët e policisë. Efektivi i policisë Ludjan Zaimi 25-vjeç ka qëlluar për vdekje 6 herë me armën e shërbimit kolegun e tij në komisariatin nr.3 në Tiranë, Çaush Saliasi, 55-vjeç, të dy me detyrë oficerë të Patrullës së Përgjithshme. Dy efektivët janë konfliktuar edhe më herët, teksa referuar dëshmisë së 25-vjeçarit, ai thotë se e qëlloi "pasi e tallte prej kohësh".
Komente
Llumi i shoqerise ne polici eshte. Njerez te palare, ta parruar, me gjuhet te trashe, vijne ere. Plehra... Te presesh nga keta qe te te mbrojnë. Keta e kane mendjen te marrin 30% e kanabisit qe mbillet.
Përgjigju