Tiranë-Një 25-vjeçar nga Elbasani është vendosur në pranga nga policia e kryeqytetit pasi akuzohet se gjatë 10 ditëve të fundit, kreu 4 vjedhje në 2 supermarkete.
Siç thuhet edhe në njoftimin e policisë i riu i dënuar më parë, për të njëjtin krim kryesisht vidhte produkte ushqimore dhe pijeve alkoolike
“Si rezultat i hetimeve dhe veprimeve të tjera operacionale, të kryera nga shërbimet e Komisariatit të Policisë Nr. 3, menjëherë pas 4 denoncimeve të 10 ditëve të fundit, për vjedhje të produkteve ushqimore dhe pijeve alkoolike, në supermarkete, u identifikua, u kap dhe u vu në pranga, autori i dyshuar i rasteve, shtetasi:
-A. C., 25 vjeç, banues në Elbasan”, informoi sot policia.
Materialet procedurale iu referuan Prokurorisë së Tiranës, për veprime të mëtejshme.
Komente
