Tiranë-Policia e Tiranës ka arrestuar ditën e sotme një 21 vjeçare, pasi ditën e djeshme (14 nëntor) duke drejtuar automjetin, dyshohet në efektin e lëndëve narkotike, ka aksidentuar një punonjës të Komisariatit të Policisë Rrugore.
Sipas policisë, punonjësi ishte në shërbim dhe po kryente veprimet procedurale për një aksident.
'Specialistët e Komisariatit të Policisë Rrugore arrestuan shtetasen S. Sh., 21 vjeçe, banuese në Elbasan. Më datë 14.11.2024, rreth orës 21:15, në fshatin Ibë, kjo shtetase, duke drejtuar automjetin, dyshohet në efektin e lëndëve narkotike, ka aksidentuar një punonjës të Komisariatit të Policisë Rrugore në shërbim, i cili ishte po kryente veprimet procedurale për një aksiden', njoftoi sot policia.
Materialet i kaluan Prokurorisë.
