Tirane- Policia arrestoi dy tifozë pasi gjatë dhe pas ndeshjes së futbollit Partizani – Tirana u hodhën lëndë piroteknike (flakadanë).
Ndërsa 6 janë nën hetim pasi gjatë kontrollit të ushtruar në hyrje të stadiumit, u kapën me lëndë piroteknike.
Ndeshja u luajt mbrëmjen e 16 shkurtit në stadiumin “Air Albania”.
Të arrestuar janë shtetasit F. K., 21 vjeç, banues në Tiranë, dhe K. S., 36 vjeç, banues në Fushë Krujë, “pasi ditën e djeshme, kanë hedhur flakadanë, gjatë ndeshjes” informoi sot policia.
Në vijim të veprimeve, gjithashtu u proceduan penalisht shtetasit F. L., 34 vjeçe, A. B., 18 vjeç, K. A., 25 vjeç, R. M., 20 vjeç, Xh. R., 18 vjeç, dhe një i mitur 15 vjeç, pasi gjatë kontrollit në hyrje të stadiumit, u kapën me lëndë piroteknike.
Komento
