Një doganier është arrestuar në Tiranë, pasi akuzohet se i ka kërkuar dhe i ka marrë para një shoferi për t’a lejuar që të ikte nga territori doganor. Adriatik Hamza, 41 vje ç, i mori para një shoferi të një subjekti doganor. Policia njofton se mbi Hamzain rëndon akuza e korrupsionit.
Njoftimi i plotë
Finalizohet operacioni policor i koduar “Doganieri”.
Operacioni nga Seksioni për Hetimin e Korrupsionit në bashkëpunim me Drejtorinë e Antikorrupsionit dhe Drejtorinë e Hetimit Doganor në Drejtorinë e Përgjithshme të Doganave.
I kërkon dhe merr një shumë në euro shoferit të një subjekti për ta lejuar të dilte nga territori doganor.
Në pranga Doganieri i pikës Doganore Tiranë për veprën penale “Korrupsioni pasiv i personave që ushtrojnë funksione publike”.
Seksioni për Hetimin e Korrupsionit në bashkëpunim me Drejtorinë e Antikorrupsionit dhe Drejtorinë e Hetimit Doganor në Drejtorinë e Përgjithshme të Doganave në kuadër të operacionit policor të koduar arrestuan në flagrancë shtetasin :
- Adriatik Hamza, 41 vjeç, banues në Tiranë (Doganier në pikën Doganore Tiranë).
Ky shtetas duke shfrytëzuar atributet që i jep posti i ka kërkuar dhe marr një shumë në euro shtetasit V. Ç., 54 vjeç, (shofer i një subjekti në Strugë) për ta lejuar të dilte nga territori doganor.
U sekuestrua në cilësinë e provës materiale shuma e përfituar në mënyrë të kundraligjshme.
Materialet iu referuan Prokurorisë së Rrethit Gjyqësor Tiranë për veprime të mëtejshme në ngarkim të shtetasit të lartpërmendur për veprën penale “Korrupsioni pasiv i personave që ushtrojnë funksione publike”, parashikuar nga neni 259 i Kodit Penal.
Komente
Shqiptaret jane te vetedijshem qe te pakten keto 50 vjet nuk behet shtet.E neqoftese gjeneratat e reja ndryshojne mentalitetin e prinderve te tyre hajdute ndoshta…………….ama afatgjate dhe jo tani.
PërgjigjuDerrmojini gjith funderrinat! Të ngrihet e të bëhet shteti!
Përgjigju