TIRANË- Banorët të fshtrave të njësisë administrative në Zall-Herr, konkretisht banorët e fshatit Pinar, Priskë e Vogël dhe Herraj, po protestojnë sërish sot pasi kërkojnë asfaltimin e 3500 m rrugë.
Kjo është hera e dytë që banorët dalin në protestë, ndërkohë që thonë se sot nuk kanë dërguar fëmijët në shkollë.
'Po na bëjnë presion se pse po dalim në protestë! Më kanë thirrur në polici e më thonë se pse ke protestuar! Më ka thirrur shefi i OPGJ-së.'- u shpreh një banorë.
Në shenjë protestë banorët kanë bllokuar edhe mjetet e tonazhit të rëndë që shkojnë në Bovillë për të marrë inerte. Të pranishëm në protestë janë dhe forca të shumta policie.
Po ashtu sipas tyre, shpërthimet masive që ndodhin për shkak të aktivitetit të guroreve e kanë bërë fshatin të pabanueshëm nga ajri i ndotur dhe problemet në furnizimin me ujë të pijshëm.
Rruga, përveç lehtësimit për jetën e banorëve, lidh Tiranën edhe me liqenin e Bovillës, që së fundmi është kthyer një atraksion turistik, me interes për të huajt dhe vendasit.
Komente
BRAVOOOOO
Përgjigju