Tiranë- Një i mitur ka përfunduar në spital dhe shkak nuk ka qenë ndonjë sherr që ka bërë me bashkëmoshatarët e tij, por konsumi i tepruar i alkoolit.
Policia e Tiranës bëri me dije se është paraqitur për mjekim në spital një 15-vjeçar, i cili dyshohet se kishte konsumuar pije alkoolike në lokal.
I mituri në një moment është ndjerë keq dhe pësoi komplikacione shëndetësore, duke u nisur me urgjencë për mjekim, ku është trajtuar edhe me lavazh stomaku dhe terapi intensive.
“Pas marrjes së ndihmës mjekësore, ai është larguar në banesë”, informoi sot(19 qershor) policia e kryeqytetit, por pa dhënë hollësi rreth dinamikës së ngjarjes.
Materialet procedurale iu referuan Prokurorisë, për vlerësim të metejshëm të rastit.
Komento
Komente
Kur ishim ne te vegjel nuk kishte limit moshe per perdorim alkooli,por kohet kane ndryshuar.A ka ne Shqiperi nje moshe te caktuar kur lejohet alkooli dhe a ka ligje ndershkuese e rregulla per lokalet,apo pijeshitesit qe u servirin,ose u shesin te miturve pije alkoolike?
Përgjigju