Kronikë

Tiranë/ Ktheu apartamentin në Call Center për të mashtruar të huaj, vendoset në pranga organizatori

2 Prill, 12:27| Përditesimi: 2 Prill, 12:45

  • Share

Një apartament i përshatur në Call Center është zbuluar ditën e sotme nga Policia e Tiranës në kuadër të operacionit “Lociation 2”.

Sipas të dhënave të policisë Call Center-i kryente aktivitet të paligjshëm duke mashtruar përmes telefonatave shtetas të huaj. Grupi i ndaluar mashtronte shtetas të tjerë për të investuar në bursa fiktive.

Në pranga është vendosur organizatori 37 vjeçari L.Xh  i kësaj veprimtarie dhe 5 persona të tjerë të kapur në flagrancë janë duke hetuar në gjendje të lirë. Nga ana tjetër policia ka shpallur në kërkim dhe 37-vjeçarin R.M që rezulton se ka marrë me qira apartamentin me qëllim aktivitetin kriminal.

'Gjatë operacionit, shërbimet e Policisë kanë ndërhyrë në apartamentin në rrugën “Panorama”, që ishte përshtatur si call center, ku kanë kapur në flagrancë shtetasi L. Xh. dhe 5 operatorë, të cilët mashtronin shtetas të huaj, për të investuar në bursa fiktive.

Materialet procedurale i kaluan Prokurorisë, për veprime të mëtejshme.-thuhet në njoftimin e policisë. 

H.K/SI.E./ReportTv.al
Komento

Komente

  • Sondazhi i ditës:

    A e keni vendosur se për kë do të votoni më 11 maj?