Dy aksidente kanë ndodhur brenda pak minutave në Tiranë. Një fëmijë 10 vjeç është përplasur nga një makinë në bulevardin "Gjergj Fishta" në Tiranë. Fëmija E.M., është dërguar në spital dhe ndodhet nën kujdesin e mjekëve, jashtë rrezikut për jetën.
Aksidenti ndodhi paraditen e sotme (27 shtator) në orën 10:54, në bulevardin "Gjergj Fishta", ku mjeti me drejtues shtetasin A.H., ka aksidentuar të miturën.
Policia ndodhen në vendngjarje dhe po punojnë për zbardhjen e plotë të rrethanave të ngjarjes.
Gjithashtu një tjetër aksident ka ndodhur në zonën e "21 dhjetorit", ku në orën 11:05, mjeti me drejtues E.C., ka aksidentuar këmbësorin shtetasin I.M., rreth 70 vjeç, i cili u dërgua në spital, nën kujdesin e mjekëve.
Komento
Komente
