TIRANË- Një tjetër Call Center që mashtronte të huajt është zbuluar nga policia dhe 6 persona kanë rënë në pranga, administratori dhe 5 punonjës.
Punonjësit dhe administratorët telefonin të huaj dhe u prezantoheshin atyre si agjentë shitjes dhe duke i mashtruar i bindin të investonin në bursa.
Call Center ndodhej në Tiranë në rrugën “Faik Konica”, ndërsa është shpallur në kërkim edhe administratori tjetër, i identifikuar me inicialet P. A., 29 vjeç, si edhe është vënë në hetim një punonjëse, D. K., 26 vjeçe.
Policia ka sekuestruar 6 njësi kompjuterike, USB, aparate celulare dhe lista me të dhëna të ndryshme të shtetasve të huaj që dyshohet se janë mashtruar, për të investuar në bursa fiktive.
Të arrestuarit:
- E. N., 25 vjeç, banues në Tiranë, administratori
- K. Gj., 25 vjeç, Sh. F., 26 vjeç, A. Sh., 20 vjeç, K. K., 20 vjeç dhe H. S., 26 vjeç, punonjësit, të pestë banues në Tiranë
Komente
