TIRANË- Një 30-vjeçar banues në Bulqizë, u arrestua nga Policia në Tiranë, pasi dyshohet se shantazhonte dhe përndiqte një 33-vjeçare dhe familjarët e saj.
Ai me kërcënime, i ka kërkuar vajzës dhe familjes së saj 5000 euro, për mospublikimin e videove dhe fotove personale të saj, në rrjete sociale.
"Arrestohet një 30-vjeçar i cili dyshohet se shantazhonte dhe përndiqte një shtetase dhe familjarët e saj, për dhënien e shumës 5000 euro, për mospublikimin e videove dhe fotove personale të saj, në rrjete sociale.
Shërbimet e Sektorit për Hetimin e Krimeve Kibernetike, në bashkëpunim me Seksionin e Operacioneve Speciale në DVP Tiranë, Sektorin e Forcës së Posaçme "Shqiponja" dhe DVP Dibër, në vijim të punës për goditjen e krimeve kibernetike, kanë organizuar dhe finalizuar operacionin policor të koduar "Phone fiend", njofton policia.
Indrit Vucaj më parë ka qenë 7 herë i shpallur në kërkim për vepra të ndryshme penale dhe i dënuar në fushën e narkotikëve në Zvicër. Ndaj tij rëndojnë veprat penale "Përndjekja" dhe "Shtrëngimi me anë të kanosjes ose dhunës për dhënien e pasurisë".
Komente
Vajzat i kan qef keto tipa qe kan qen neper burgje e bejn si te fort , djali mir me edukat esht jasht mode . Nuk me vjen keq kur perfundojn kshu keto femra
Përgjigju