Kronikë

Tiranë/ Sërish zjarr në pallatet e kompleksit 'Kika' te 'Komuna e Parisit'! Merr flakë garazhi, shkak kompresori i frigoriferit të një marketi! Evakuohen banorët, mes tyre fëmijë (VIDEO)

25 Janar, 18:31| Përditesimi: 26 Janar, 16:06

  • Share

TIRANË - Për herë të dytë brenda pak ditësh zjarri ka rënë në kompleksin 'Kika', tek 'Komuna e Parisit' në Tiranë. Flakët të cilat u shuan plotësisht pas afro 2 orësh, ranë në garazhin e një pallati 8-katësh te 'Kika 1', rreth orës 18:00.

Shkak i flakëve dyshohet të ketë qenë një defekt i kompresorit - që ndodhej në garazh - të frigoriferit të një marketi eco market. 

Forcat zjarrfikëse dhe policia bënë të mundur evakuimin e banorëve. Një zonjë u transportua drejt QSUT me probleme me frymëmarrjen, por fatmirësisht ndodhet jashtë rrezikut për jetën. Gjithashtu, 4 banorë kanë pasur probleme të lehta me frymmarrjen.  Ndërsa rreziku ka kaluar banorët mund të kthehen në banesat e tyre.

Dy automjete dhe 1 motor u dogjën tërësisht, ndërsa një makinë e tretë është dëmtuar.

Report Tv sjell pamjet e momentit kur zjarrfikësit evakuojnë me shkallë një fëmijë që banon në katet e sipërme të pallatit.

"Më datë 25.01.2025, rreth orës 18:00, tek Komuna e Parisit, tek Kika 1, ka rënë zjarr në garazhdin e një pallati 8-katësh. 

Grupi hetimor po punon për percaktimin e shkakut të rënies së zjarrit",-njofton policia.

5 ditë më parë (20 janar 2025) flakët përfshinë katin e katërt të një pallati te kompleksi "Kika 2", po në Komunën e Parisit. Nga flakët, të cilat u shkaktuan nga një defekt elektrik, u dogjën zyrat e një banke të nivelit të dytë në katin e 5-të dhe një restorant në katin e 6-të.

Ora 22:18
Digjet garazhi i pallatit 8-katësh të Komuna e Parisit, shkak dyshohet kompresori i frigoriferit të një marketi (VIDEO)

Për herë të dytë brenda pak ditësh zjarri ka rënë në kompleksin 'Kika', tek 'Komuna e Parisit' në Tiranë. Flakët të cilat u shuan plotësisht pas afro 2 orësh, ranë në garazhin e një pallati 8-katësh te 'Kika 1', rreth orës 18:00.

Shkak i flakëve dyshohet të ketë qenë një defekt i kompresorit - që ndodhej në garazh - të frigoriferit të një marketi. 

Ora 21:03
FOTO/ Dy makinat e djegura nga flakët në garazhin e pallatit 8-katësh te Kompleksi 'Kika' në Komunën e Parisit

1737835655_makinatedjeguranekompleksinkika1.jpg

Dy makinat që shihni në foto janë djegur si pasojë e flakëve në garazhin e pallatit 8-katësh te Kompleksi 'Kika 1' në Komunën e Parisit. 

Ora 19:35
Digjet garazhi i pallatit 8-katësh të Kompleksi 'Kika', Mbrojtja Civile e Bashkisë Tiranë: Zjarri, nën kontroll, janë djegur 3 automjete! Shkak dyshohet një shkëndijë elektrike

Sipas raportimeve nga strukturat e Mbrojtjes Civile të Bashkisë Tiranë, zjarri në katin nëntokë të Kompleksit Kika në Komunën e Parisit është vënë nën kontroll nga 2 mjete zjarrfikëse dhe 10 efektivë zjarrfikës. 

Janë djegur 3 automjete të parkuara, banorët janë evakuuar dhe situata nuk paraqet rrezik për njerëzit. Ka ende prezencë tymi dhe paraprakisht dyshohet se shkaku është një shkëndijë elektrike.

Strukturat e MZSH dhe Policia e Shtetit po vijojnë veprimet në vendngjarje për të garantuar sigurinë dhe hetimin e plotë të rrethanave.

Ora 19:15
VIDEO/ 'Ndihmë!' Zjarri tek Kompleksi 'Kika', zjarrfikësit evakuojnë me shkallë nga ballkoni banorët, mes tyre dhe fëmijë

Për herë të dytë brenda pak ditësh zjarri ka rënë në kompleksin 'Kika' tek 'Komuna e Parisit' në Tiranë. Kësaj radhe te 'Kika 1', ku një garazhi i një pallati 8-katësh ka marrë flakë. 

Momentet e frikës dhe të panikut kanë përfshirë shumë banorë të pallatit 8 katësh e zjarrfikësve u është dashur të vendosnin shkalla si në katin e tretë por dhe në katin e 8-të për të ndihmuar banorët të evakuoheshin

Banorët thërrisnin: Ndihmë! Ndihmë!

Report Tv sjell pamjet e momentit kur zjarrfikësit evakuojnë me shkallë një fëmijë që banon në katet e sipërme të pallatit. 

Por dhe një moment kur zjarrfikësit vendosin shkallët në katin e 3-të për të evakuar banorët. 

Shkak i flakëve dyshohet të ketë qenë një defekt i kompresorit - që ndodhej në garazh - të frigoriferit të një marketi eco market. Zjarri la pas tre automjete të djegura dhe 4 banorë të asfiksuar që u trajtuan me ndihmë mjekësore në spital, por nuk ka probleme që mund t’ju rrezikojnë jetën.

K.M/S.G/ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?