Minatorët kanë vijuar edhe ditën e sotme protestën e tyre, për të fituar kështu njëherë e mirë statusin e minatorit.
Prej disa ditësh, minatorët në Tiranë dhe në rrethe janë mbledhur dhe po kërkojnë të drejtat e tyre.
Ditën e sotme ata protestuan përballë Parlamentit dhe Kryeministrisë. Protesta u organizua nga Fiqiri Xibri, i cili është edhe kreu i Sindikatës së Minatorëve. Ata i kërkuan Kryeministrit Rama një takim për të diskutuar rreth statusit, që u është premtuar.
Kujtojmë gjithashtu, se disa nga kërkesat e minatorëve janë: paga minimale të jetë 70 mijë lekë në muaj, përfitim të pensioneve për minatorët dhe familjarët e tyre në rast të aksidenteve në punë, rritjen e pensionit dhe uljen e moshës së daljes në pension.
Minatorët këmbëngulin se zgjidhja e vetme për ta është miratimi i statusit sipas draftit të propozuar në vitin 2018.
Komente
